Suárez Canal destaca a proxección dos viños da D.O. Rías Baixas no mercado exterior que incrementaron nun 70% as exportacións nos últimos dous anos
Santiago de Compostela, 08/01/2009 O conselleiro fixo público este dato durante a visita á adega da Cooperativa Vitivinícola Arousana S.C.G., que contou con asesoramento e soporte técnico dos servizos provinciais da Consellaría do Medio Rural para iniciar a súa actividade e cunha axuda de máis de 1,5 millóns de euros para as instalacións.

Medio Rural declara a prevalencia de utilidade pública da autovía A-52 en Lugo sobre a dos montes veciñais de Soñar e Coeses
Santiago de Compostela, 08/01/2009 A Consellaría do Medio Rural declarou a prevalencia de utilidade pública do proxecto de autovía A-54 Lugo-Santiago no tramo Vilamoure-Nadela e conexión con Lugo, sobre a dos montes veciñais en man común “Soñar” e “Lamablanca, Lagoa e Paramelo”, promovido pola Demarcación de Estradas do Estado en Galiza, segundo acordou o Consello da Xunta.

A campaña divulgativa do Banco de Terras chega esta semana a Monforte de Lemos e Sarria
Monforte de Lemos, 06/01/2009 A presentación da campaña informativa itinerante do Banco de Terras de Galiza celebrarase este mércores en Monforte e o xoves en Sarria co personaxe Facundo, un agricultor xubilado que analiza, mediante un lúdico xogo de ventrílocuo, as garantías e beneficios de incorporar leiras ao Bantegal.

Medio Rural vén de aboar preto de 100 millóns de euros correspondentes ao pagamento único e ao resto de axudas da PAC da campaña 2008
Santiago de Compostela, 06/01/2009 Máis de 40.000 produtores galegos recibiron nas dúas últimas semanas de decembro as axudas en concepto do pagamento único, as axudas acopladas por cultivos herbáceos e de ovino-cabrún e o pagamento adicional do sector lácteo.

Medio Rural confirma que o proceso de vacinación da cabana gandeira galega contra a lingua azul superou o 90% a finais de 2008
Santiago de Compostela, 05/01/2009 Desde o pasado 1 de setembro ata o 31 de decembro aplicáronse máis de 4,3 millóns de doses da vacina contra os serotipos 1 e 8 a máis de 1,1 millóns de reses bovinas, ovinas e cabrúas, quedando por concluír algunhas explotacións, fundamentalmente en extensivo, que serán vacinadas durante o mes de xaneiro, o que significa que o proceso está “practicamente culminado”.